Иш-чаранын ачылышында Бишкек шаарынын вице-мэри Айгүл Рыскулова, Бишкек шаардык кеӊешинин  төрагасы Канатбек Музуралиев балдарга жакшы эс алууларды каалап, балдар менен чогуу спорттук иш-чарага катышышты.

Спорттук иш-чарада  окуучулар жылгаяк тээп, аркан тартыш жана башка оюндарды ойноп көңүл ачышты. Иши-чара алкагында улуттук «Бука тартыш», «Таяк тартыш», «Аркан тартыш» жана чуркоо боюнча жарыш уюштурулуп, соңунда жеңүүчүлөргө атайын белектер берилди.

Спорттук иш-чаранын максаты окуучуларды кышкы спортко тартуу жана сергек жашоого үндөө болуп саналат.

Түшкүсүн катышуучулар үчүн  даамдуу тамак менен чай уюштурулду.