Күн сайын таң эреден баштап жолдорду кардан жана муздан тазалоо үчүн 500 короо шыпыргыч жана жол-эксплуатация бөлүмүнүн 40 кызматкери чыгышат. «Тазалык» МИ кызматкерлерин колдоо үчүн  Биринчи балдар хосписинин ыктыярчылары келип, жумушчуларга ысык чай жана кофе беришти.   

Биринчи балдар хосписинин негиздөчүсү Дина Аляева: «Күндө эрте менен жумушка баратканда көчө тазалап жаткан «Тазалык» ишканасынын кызматкерин көрөбүз. Бирок алардын татаал эмгегине маани бергендер аз. Ошол себептен биз аларды аз да болсо колдоону чечтик»,-деди. «Тазалык» МИ кызматкерлери бүгүн ысык чайдан тышкары,  жылуу сөздөрдү да угуп, көңүлдөрү көтөрүлдү.

Урматтуу шаардыктар! Бишкек шаарынын мэриясы шаар тургундарын WhatsApp колдонмосу аркылуу төмөнкү номерлерге арыздарды калтырууга чакырат:

Карынбаев Аскат Асаналиевич (Ленин району) — 0557 997 927;

Акматбаев Таалайбек Таберикович (Октябрь району) — 0554 955 509;

Шарапов Руслан Эсенбекович (Биринчи май району) — 0558 336 640;

Матмусаев Марат Аманович (Свердлов району) — 0555 447 154.