Бишкек шаарынын Октябрь району боюнча  «Шайыр балалык»  Балдардын чыгармачылык борбору балдар жана өспүрүмдөр үчүн кошумча билим берүүнү уюштурууда туруктуу иш жүргүзөт, анын ичинде каникул мезгилинде да.

«Шайыр балалык» борбору жана анын филиалдарында 70төн ашык ийримм иштейт. Билим берүү процесси акысыз жүргүзүлөт.

Борбордун башкы корпусу 3‑кичирайон, 14/1 дарегинде жайгашкан. Ошондой эле «Тунгуч», «Эрудит», «Надежда», «Этюд», «Мастерок», «Аруна» клубдары иштейт, ошондой эле Октябрь районунун 7 жалпы билим берүүчү мектептеринин базасында ийримдер уюштурулган.

Иш-чаралар бир нече багытта жүргүзүлөт:
— Сүрөт жана эстетикалык чыгармачылык (сүрөтчүлүк (ИЗО), декоративдик‑кол өнөрчүлүк, дизайн, вокал, бий, актёрдук чеберчилик);
— Физикалык тарбия жана спорт  (шахмат, ушу, теннис, бокс, кикбоксинг, дзюдо, йога);
— Техникалык чыгармачылык  (авиамодельдөө, робототехника);
— Социалдык жана интеллектуалдык өнүгүү  (логика, оозеки англис тили, полиглот, көркөм окуу, «өзүңдү тааный бил» жана башка багыттар).

Сабактар борбордун башкы имаратында жана Тунгуч, Көк-Жар, Асанбай кичирайондорунда, ошондой эле №100, №88, №60, №3, №64, №73 жана №103 мектептеринде өтөт.

Айрыкча, каникул мезгилинде балдардын бош убактысын пайдалуу  уюштурууга көңүл бурулат. Мектептик каникул күндөрү ийримдер ишин улантып, ата‑энелер балдарын акысыз кошумча билим алууга, чыгармачылыгын ачууга жана ар тараптуу өнүгүүгө жөнөтө алышат.