2026-жылдын 28-январында санитардык нормалардын бузулушу тууралуу маалыматтын негизинде Бишкек шаарынын мэринин орун басары Виктория Мозгачева Билим берүү департаментинин директору Рахат Мусаева менен биргеликте №8 мектепке жеринде текшерүү жүргүзүштү.

Окуу жайдын бөлмөлөрүн кароо учурунда учурдагы санитардык талаптарга туура келбеген жагдайлар аныкталып, буга байланыштуу мектеп жетекчилигине бардык имараттарды санитардык эрежелерге так ылайык кылып, кылдат санитардык тазалоодон өткөрүү боюнча конкреттүү тапшырмалар берилди.

Белгилей кетсек, билим берүү мекемесинин жетекчилигине карата тиешелүү чаралар көрүлөт.

Ошондой эле, окуучулар жана педагогикалык жамаат үчүн коопсуз жана ыңгайлуу шарттарды түзүүгө, билим берүү мекемесинде ички тартипти жана дисциплинаны сактоого өзгөчө көңүл бурулду.