«Жашылдандыруу курулуш» муниципалдык ишканасынын башчысы Токтобек Абдыкеримов куураган, авариялык абалдагы бактарды кыйуу жана көчөттөрдү отургузуу боюнча пландалып жаткан иштер тууралуу айтып берди.

КР Улуттук илимдер академиясынын вице-президенти Биймырза Токторалиев «Бишкек шаарындагы фитопатологиялык абал, көйгөйлөр жана аны чечүү жолдору» тууралуу доклады менен чыкты.

Ошондой тегерек столдун катышуучулары тарабынан «Жашылдандыруу курулуш» МИ 2016-2021-жж. Бишкек шаарындагы жашыл фондун өнүктүрүү концепциясын жана гүл бак, сейил бактарды өнүктүрүү талкууланды.

Тегерек столго Бишкек шаарынын вице-мэри Эркин Исаков, Бишкек шаардык кеңештин депутаты Валентина Лисниченко, биологиялык илимдердин кандидаты, эксперт-энтомолог Жакшылык Дуйшеналиев, райондук администрациялардын башчылары, Бишкек шаарынын өнүктүрүү агенттигинин директору Азамат Усубалиев катышты.