Бишкектеги унаа жуучу жайларды техникалык документтерди берүүдөгү жана шаардык суу жана канализация тармактарын пайдалануудагы бузуулар боюнча пландуу текшерүүлөр уланууда.

Текшерүүлөрдүн жүрүшүндө суу жана канализация тармактарына өз алдынча мыйзамсыз кошулган учурлар, ошондой эле сууну алуу жана агынды сууларды агызуу тартибин сактабаган фактылар аныкталды.

Текшерүүлөрдүн жыйынтыктары:

Ленин району:
4 унаа жуучу жай түтүктөрдүн жарылышынан улам ажыратылган;
2 унаа жуучу жайда канализация түтүктөрү өчүрүлгөн.

Биринчи май району:
2 суу менен камсыздоо өчүрүлгөн;
2 канализация түтүгү өчүрүлгөн.

Бул жайлардын ээлерине эреже бузууларды оңдоо жана белгиленген мөөнөттө суу менен камсыздоо жана канализация системаларын учурдагы эрежелерге ылайык келтирүү боюнча расмий эскертүүлөр берилди.

"Бишкексууканал" МИси  шаардык суу жана канализация тармактарына туташкан бардык коммерциялык объектилер керектелген суунун көлөмүн так эсепке алуу үчүн суу өлчөгүч орнотууга милдеттүү экенин эскертет.

Бул багыттагы текшерүүлөр улантыла берет.