Бишкек шаарынын мэриясы муниципалдык менчикти ижарага алуучуларга карыздарын жана айыптарын тез арада төлөөнү эскертет.
Болбосо, Бишкек шаарынын мэриясы карызды өндүрүү боюнча сот жана укук коргоо органдарына кайрылууга жана Кыргыз Республикасынын колдонуудагы мыйзамдарына ылайык ижара келишимдерин жокко чыгарууга жана объекттерди демонтаждоого чейин башка зарыл чараларды көрүүгө аргасыз болот.
Турак жай эмес жайлар үчүн. Бишкек шаардык кеңешинин 2022-жылдын 16-декабрындагы № 60 токтому менен бекитилген «Бишкек шаарынын муниципалдык менчигинде турган кыймылдуу жана кыймылсыз мүлк объекттерин башкаруу жана аларга чектелген буюм укуктарын берүү тартиби жөнүндө» жобонун негизинде Бишкек шаарынын мэриясы муниципалдык менчикте турган мүлктү пайдалануу укугунан ажыратуу боюнча чараларды көрөт.
Ошондой эле турак эмес жайды ижарага алуу келишиминин 6-пунктуна ылайык, ижарачы ижара акысын төлөө мөөнөтү аяктагандан кийин катары менен эки айдан ашык төлөбөгөн учурда, ижара берүүчүнүн талабы боюнча келишим бир тараптуу тартипте мөөнөтүнөн мурда бузулууга тийиш экендигин эскертебиз.
5 жылга жана андан ашык мөөнөткө ижарага берилген жер тилкелери үчүн ижара келишиминин өзгөчө шарттарында төлөнбөгөн ижара акысын толук төлөп бүтмөйүнчө, ижарачы электр жарыгынан жана суудан өчүрүлөт деп белгиленген. Мындан тышкары, ижара төлөмдөрүн аткарбагандыгы үчүн, ар бир кечиктирилген күнгө төлөнбөгөн сумманын 0,1% өлчөмүндө, негизги сумманын эң көп дегенде 25%ына чейин айып пул салынат.
Жеңил типтеги объектилер үчүн. Бишкек шаардык кеңешинин 2020-жылдын 14-январындагы № 142 токтому менен бекитилген «Бишкек шаарындагы жер участокторду ижара шартында мөөнөттүү (убактылуу) пайдаланууга берүү тартиби жөнүндө» жобонун негизинде, атайын курулган имараттар төмөнкү шарттарда алынат:
а) эгерде алар жайгаштырууга тиешелүү уруксаттарсыз иш жүргүзсө;
б) жаңы курулуш жүрүп жаткан болсо;
в) соттун чечими боюнча;
г) ыйгарым укуктуу органдын чечими боюнча:
- келишимди бузуу;
- үч ай бою ижара акысын төлөбөгөндө;
- архитектуралык жана шаар куруу ченемдерин сактабаганда;
- шаардын иштешин жана өнүгүшүн жөнгө салуучу жергиликтүү өз алдынча башкаруу органдарынын чечимдери.
Урматтуу ижарачылар! Бишкек шаарынын мэриясы жогоруда көрсөтүлгөн чараларды колдонууга жол бербөө үчүн бардык төлөнбөгөн карыздарды төлөп берүүңүздөрдү, ошондой эле IV квартал үчүн ижара акысын төлөөнү өтүнөт. Төлөбөй же көңүл бурулбай калган учурда, төлөбөгөндөрдүн аты-жөнү толук көрсөтүлгөн тизмелер жалпыга маалымдоо каражаттарына жарыяланат.
Кошумча маалымат алуу үчүн төмөнкү дарекке кайрылыңыз:
- жер тилкелери үчүн (5 жылдан жогору): 0550 120121 (Ленин району), 0701 461652 (Свердлов району), 0509 700075 (Октябрь району), 0708 622555 (Биринчи Май району);
- турак эмес жайлар үчүн: 0500 44 93 29; Жеңил типтеги объектилер боюнча суроолор боюнча: 0553 232333 (Ленин району), 00771 028975 (Биринчи Май жана Свердлов райондору), 0509 700075 (Октябрь району).
