Бүгүн, 2025-жылдын 29-августунда борбор калаанын мэриясынын билим берүү департаменти №68 мектепте директордун мамлекеттик тил боюнча орун басарларынын жана кыргыз тили жана адабияты мугалимдеринин «Кыргыз тили жана адабияты предмети боюнча өзгөрүүлөр кылымындагы билим берүү: учурдагы жаңылыктар жана келечекке карай кадам»  деген темада август конференциясын өткөрдү.

Иш-чарага Кыргыз билим берүү академиясынын башкы илимий кызматкери, педагогика илимдеринин доктору, профессор, Кыргыз Республикасынын эл жазуучусу, жазуучу Алиппе С.К. Сулейманов, Кыргыз билим берүү академиясынын филологиялык билим берүү лабораториясынын башчысы, педагогика илимдеринин кандидаты А.Б. Батыркулова, 170 кыргыз тили жана адабияты мугалими катышты.

Конференцияны Бишкек шаарынын мэриясынын билим берүү департаментинин жетектөөчү адиси П.Д. Бакирова алып барды.

Белгилей кетсек, бул иш-чаранын максаты 2025-2026-жаңы окуу жылында 12 жылдык билим берүүнүн мазмунун жаңылоо боюнча усулдук сунуштарды жалпылоо жана системалаштыруу болуп саналат.

Эркин микрофон бөлүмүндө катышуучулар суроолорун берип,  талкуулоого мүмкүнчүлүк алышты.