Бишкек шаарынын мэри Айбек Джунушалиевдин 2025-жылдын июль айында Тяньцзинге болгон иш сапарынын  "ШКУ өлкөлөрүнүн шаарларынын мэрлеринин глобалдык диалогунун" алкагында 5-августта Бишкек мэриясынын делегациясынын Тяньцзинь чет тилдер университетине (ТУИЯ) иш сапары болду.

Делегацияны мэрдин орун басары  Виктория Мозгачева жетектеп, ага мэриянын билим берүү департаментинин директору Рахат Мусаева катышты. Университеттин ректору Ли Инъин айым менен жолугушууда академиялык жана маданий кызматташтык, студенттерди даярдоо багыттары, тажрыйба алмашуу жана кытай тилин жайылтуу маселелери талкууланды.

Гуманитардык кызматташтыкты кеңейтүүгө өзгөчө көңүл бурулду. Биргелешкен демилгелер, анын ичинде жайкы билим берүү программалары, маданий жана тилдик иш-чаралар, ошондой эле жаштар жана спорт алмашууну өнүктүрүү талкууланды. Сунуштардын бири жаштар үчүн тил жана маданият борборун түзүү болду.

Мэрия Бишкек шаарынын билим берүү системасы жана Конфуций институтунун ийгиликтүү ишмердүүлүгү тууралуу маалымат берди. Окуучулардын кытай тили боюнча эл аралык олимпиадалардагы жетишкендиктери өзгөчө белгиленди.

Бишкек менен Тяньцзинь ортосундагы боордоштук байланыштардын алкагында ТУИЯ аймагында Кыргызстандын бир бурчу — маданияттар аралык диалогду бекемдөөгө жана кыргыз маданиятын жайылтууга багытталган туруктуу экспозиция ачылды.

Тараптар билим берүү жана маданият тармагындагы демилгелерди өнүктүрүүнү караган кызматташтык жөнүндө меморандумга кол коюуга кызыкдар экенин билдиришти.

Иш сапар  эки тараптуу өнөктөштүктү тереңдетүү жана жаштардын жана туруктуу өнүгүүнүн кызыкчылыгында байланыштарды чыңдоо каалоосун ырастаган маанилүү кадам болду.