Бишкек шаарынын мэриясынын Капиталдык курулуш башкармалыгы Абай көчөсү, 113 (мурдагы №61 мектеп) дарегинде жайгашкан 280 орундуу эки кабаттуу бала бакчаны капиталдык оңдоого кайрадан конкурс жарыялады.

Имараттын жалпы аянты 2105 м². Долбоор шаардык бюджеттен каржыланат.

Алгачкы конкурс 2025-жылдын 30-майында жарыяланган жана жеткирүүчүлөрдүн сунуштарын кабыл алуу 2025-жылдын 13-июнунда аяктаган. Автоматтык ачуу протоколуна ылайык, сатып алууларга үч компания катышкан. Бирок, 2025-жылдын 23-июнунда сатып алуу жараксыз деп табылган – бардык берилген сунуштар сатып алуу документтеринин талаптарына ылайык келбегендиктен четке кагылган.

Буга байланыштуу 2025-жылдын 1-июлунда конкурс кайрадан жарыяланган. Табыштамаларды автоматтык түрдө ачуунун акыркы мөөнөтү 2025-жылдын 15-июлуна чейин.