Шаар мэри Айбек Джунушалиев борбор калаанын райондорун текшерүүнү улантууда.

Борбор калаа башчысы Медеров  көчөсүнүн Панфилов көчөсүнөн Абдрахманов көчөсүнө чейинки бөлүгүн реконструкциялоо иштери менен таанышып, тиешелүү кызматтарга белгиленген мүчүлүштүктөрдү (кудуктар, тротуарлар, арыктар, дренаждар, кире бериш топтор, ирригация жана газондор) оңдоону, ошондой эле техникалык көзөмөлдүн ишин күчөтүүнү тапшырды.

Жолдун бул бөлүгү графиктен 10 күн мурда унаа кыймылы үчүн толугу менен ачык.

Гастелло көчөсүнүн боюндагы сейилдөөчү аянтчанын курулушу да текшерилди.

Бул жерде кичи архитектуралык формаларды, балдар аянтчаларын, отургучтарды, таштанды челектерин жана сырткы жарыктандырууларды даярдоо иштери жүрүп жатат.

Мэр акимдердин көңүлүн шаар тургундарынын ыңгайлуу эс алуусу үчүн ушундай эле аймактардын көбөйүшүнө бурду.

Фрунзе көчөсүндөгү жылуулук тармагын реконструкциялоо иштерин текшерди. Борбор калаанын башчысы жумушчулардын санын жана оңдоо иштеринин графиктерин көбөйтүүнү тапшырды.

Муниципалдык инспекцияга имараттардын жана ага чектеш аймактардын сырткы көрүнүшүн талапка ылайык келтирүү боюнча чарба субъектилердин ээлери менен үзгүлтүксүз иш алып баруу милдеттендирилди.