Бишкек шаарынын мэри Айбек Жунушалиев Ленин районундагы курулуш объектилерин текшерди.

Борбор калаа башчысы Чортеков  көчөсүндөгү сейил бакты текшерип, анда жоюуну талап кылган бир катар мыйзам бузуулар аныкталган. Мэр начар орнотулган объектилерди демонтаждап, ордуна жаңы объекттерди орнотуу милдетин койду.

Андан соң муниципалитеттин башчысы Орок муниципалдык аймактык башкармалыгынын аймагындагы долбоордук кубаттуулугу 140 орундуу бала бакчанын капиталдык оңдоо иштери менен таанышты. Жалпы аянты 1363 м², аянты 0,4 га.

Балдар бакчасы медициналык кабинет, ашкана, кир жуучу жана коммуналдык бөлмөлөр менен жабдылат. Имаратта оюн жана уктоочу бөлмөлөрдөн тышкары актовый зал болот.

Бүгүнкү күндө ички жасалгалоо иштери бүткөрүлүп, видеокөзөмөлдөө тутумдары орнотулуп, электр иштери бүткөрүлдү. Сырткы иштер жасалды, имараттын фасады иретке келтирилди, аймагы асфальтталды. Учурда заманбап балдар аянтчасы орнотулууда.

Долбоорду Бишкек шаарынын мэриясынын Капиталдык курулуш башкармалыгы ишке ашырууда. Курулуш иштерин подрядчы «Бийик КЖ» ЖЧКсы  жүргүзүүдө.

Андан соң «Ак-Өргө» конушундагы  долбоордук кубаттуулугу 100 орундуу мектепке чейинки балдар мекемесинин курулушу менен таанышты.

Учурда пайдубалын түптөө жана толтуруу иштери аяктады. Биринчи кабаттын мамыларын орнотуу, ошондой эле тосмо жана тышкы инженердик тармактарды орнотуу иштери жүрүп жатат. Подрядчы «Гипер Строй» ЖЧКсы.

Шаар мэри Айбек Жунушалиев бала бакчаларды куруу жана реконструкциялоо иштерин көзөмөлгө алууну тапшырды. Курулуш учурунда бир катар экологиялык талаптарды эске алуу, ошондой эле балдардын коопсуздугуна, жумуштун сапатына жана мектепке чейинки билим берүү мекемесинин аймактарын жакшыртууга өзгөчө көңүл буруу милдети коюлду.

Мындан тышкары, №3 муниципалдык аймактык башкармалыгынын жаңы имараты менен таанышып, учурда бардык курулуш иштери бүткөрүлдү. Имараттын жалпы аянты 150 м2 жана 5 кеңседен турат. Ал эми подрядчы «Оомат Групп» ЖЧКсы..

Борбор калаанын башчысы МАБ жетекчисине сыноо мөөнөтү тууралуу эскертип, калк менен иштөөнү күчөтүүнү жана тартипти калыбына келтирип, аймакты жашылдандырууну тапшырды.

Ошондой эле Мурман /Абакан көчөлөрүнүн кесилишиндеги сейил бактын уюштурулушу текшерилди. Учурда жеринде даярдык иштери башталды. Аймактын жалпы аянты 2,48 гектарды түзөт. Долбоор төмөнкү элементтерди камтыган заманбап жана ыңгайлуу коомдук мейкиндикти түзүүнү карайт: балдар аянтчасы, воркаут аянты жана чуркоо аянтчасы. Жайлуу эс алуу жана эс алуу үчүн аймакта отургучтар, көчө чырактары, шахмат столу бар чатыр, көчө үстөлдөрү жана урналар болот.

Аба ырайынын ынгайлуу шарты болгон учурда аянтка 43 түп липа, 47 түп чыгыш чынары, 36 түп ясень  жана 8 түп тал-терек   көчөттөрүн отургузуу пландалууда. Өсүмдүктөрдү сугаруу үчүн 598 даана ПВХ түтүкчөлөрү бекиткичтери менен төшөлөт. Ошондой эле, бардык аймакка суу агызуучу В-2-2 тибиндеги 414 лоток орнотулат.

Белгилей кетсек, көрктөндүрүү иштерин подрядчы «АрхСтрой Инжиниринг» ЖЧКсы жүргүзүүдө.

Текшерүүнүн жыйынтыгында шаар мэри Айбек Жунушалиев курулуш учурунда аткарылып жаткан иштердин сапатына өзгөчө көңүл буруу милдетин койду.