Ушул жумада Бишкек шаарынын мэриясынын Жер пайдаланууну контролдоо башкармалыгынын Биринчи Май району боюнча контролдоо бөлүмүнүн кызматкерлери жерди пайдалануу жаатында бир катар демонтаж иштерин жүргүзүштү.
Бишкек шаарынын мэриясынын 2025-жылдын 14-январындагы №5-т тескемесинин негизинде Аламүдүн жана Ала-Арча дарыяларынын нугун тазалоо иштеринин жүрүшүндө төмөндөгүлөр демонтаждалган:
- «Ретро Метро» түнкү клубунун бир бөлүгү – 400 чарчы метр муниципалдык жер тазаланды;
•Узундугу 60,6 метрди түзгөн “7 дней” мейманканасынын тосмосу;
•Малдыбаев көчөсүндө 15 күркө.
Мындан тышкары, Улуттук госпиталдын аймагында жайгашкан, 323 чарчы метрди түзгөн кафе жана дарыкана буздурулду, ошондой эле Бөкөнбаев көчөсүндөгү 3 күркө алынган.
Биринчи май райондук администрациясы менен биргеликте «Бугу эне багыш» конушундагы курулуштардын пайдубалы бузулду. Иштин жыйынтыгында коомдук жерге курулган 65 объект жоюлган.
Ошондой эле, №14 МАБ менен биргеликте Республика көчөсүн реконструкциялоого тоскоол болгон 35 тосмо демонтаждалган.
Жерди пайдаланууну контролдоо башкармалыгы жарандарды жер тилкелерин пайдаланууда белгиленген эрежелерди сактоого чакырат.
