Бишкек шаарында жол катмарын калыбына келтирүү менен бирге Курманжан Датка көчөсүнүн Чүй проспектисинен У. Салиева көчөсүнө чейинки бөлүгүндө жылуулук тармагын реконструкциялоо иштери жүргүзүлүүдө.

Иштер Курманжан Датка көчөсүнүн Чүй проспектисинен У. Салиева көчөсүнө чейин толук жабылышы менен жүргүзүлүүдө. Буга байланыштуу №169, №104 жана №146 автобус каттамдарынын кыймыл схемалары жарым-жартылай өзгөртүлдү.

Урматтуу шаар тургундары, айдоочулар жана борбор калаанын коноктору! Бишкек шаарынын мэриясы убактылуу ыңгайсыздыктарга түшүнүү менен мамиле кылууну өтүнөт жана жол тыгындарын болтурбоо үчүн маршрутуңузду алдын ала пландаштырууну, ошондой эле жеке унаанын ордуна коомдук транспортту пайдаланууну сунуштайт.