2025-жылдын 24-апрелинде, шаардын «Диалог» маданият үйүнүн чоң залында ХХ-кылымдагы кооперативдик кыймылдын тарыхында маанилүү роль ойногон уникалдуу эл аралык бириккен чехословакиялык «Интергельпо» өндүрүш кооперативинин түзүлгөндүгүнүн 100 жылдыгына арналган салтанаттуу юбилейлик концерт болуп өттү.

Иш-чара көрүүчүлөрдү ошол доордун атмосферасына сугарып, эл аралык тилектештиктин жана эмгек биримдигинин духун чагылдырган «Тирүү фотография» аттуу театрлаштырылган тематикалык пролог менен ачылды.

Словакия Республикасынын тышкы жана европалык иштер министри Юрай Бланар, Бишкек шаарынын мэринин биринчи  басары Мирланбек Байгончоков, Словакия Республикасынын Улуттук кеңешинин тышкы саясат боюнча комитетинин төрайымы Мариана Кери жана чет өлкөлөрдө жашаган словактар боюнча өкүлчүлүгүнүн төрайымы Дагмара Репелчеков жана коноктордун катышуусунда сөз сүйлөдү.

Чогулгандардын көңүлүн өзгөчө юбилейлик төш белгилерди тапшыруу аземине бурду, алар өзгөчө катышуучуларга жана кооперативдин өкүлдөрүнүн урпактарына тапшырылды.

Расмий бөлүктөн кийин Словакия Республикасынан келген ардактуу коноктордон жана Бишкек шаарынын мэриясынын өкүлдөрүнөн турган делегация бир туугандар көрүстөнүнө барышып, курман болгондорду эскерип гүл коюшуп, алардын элесине таазим кылышты.

Иш-чара жалпы тарых, өткөндү урматтоо жана келечекте өз ара түшүнүшүүгө умтулуу менен байланышкан Кыргызстан менен Словакия элдеринин достугунун символу болуп калды.