Муниципалдык инспекция айдоочуларга унааларын жашыл аймактарга токтотпоону эскертет.

Жашыл аймактарга унаа токтотууга жол бербөө максатында  инспекторлор газондорду кызыл тасма менен курчаган. Мындан тышкары жашыл аймактарды «Бишкекжашылкурулуш» муниципалдык ишканасынын кызматкерлери калыбына келтирүүдө. Мындай аракеттерге карабастан, айдоочулар учурдагы мыйзамдарды бузуп келишет.

2025-жылдын башынан бери тартип бузгандарга 102 протокол түзүлүп, жалпы суммасы 664 миң 500 сомду түзгөн. Фактылар күнүмдүк рейддердин жүрүшүндө жана тиешелүү жарандар тарабынан жөнөтүлгөн арыздар аркылуу аныкталууда.

Ошондой эле иш ЖККБ кызматкерлери менен биргеликте жүргүзүлүп, алар унааларын таштап кеткен айдоочуларды издөөгө жардам беришет.

Кыргыз Республикасынын Укук бузуулар жөнүндө кодексине ылайык, белгиленбеген жерге унаа токтотуу үчүн жеке жактарга 5,5 миң сом, юридикалык жактарга 17 миң сом айып пул каралган.