Бишкек шаарынын базарларында жана соода жайларында дүйшөмбү күндөрү санитардык күн өткөрүлүүдө. №60-Р буйругунун аткарылышына Бишкек шаарынын мэриясынын Муниципалдык инспекциясы мониторинг жүргүздү.

Тазалоо иштерине байланыштуу "Орто-Сай", "Аламүдүн базары", "Ош Базары" СБК, "Ак-Эммир" соода борбору, "Чынар Базары" ж. б. базарлар жабылды.

Аймакта базарларга чектеш жана инфратүзүмдүк объекттерин, анын ичинде: калдыктарды, көчө шыпырындысын жана таштандыларды чогултуу, чыгаруу иштери жүргүзүлдү.

Бул чаралар уулануу жана жугуштуу оорулардын тобокелдиктерин алдын алуу, коопсуз соода жүргүзүү жана сатуучулар үчүн да, сатып алуучулар үчүн да ыңгайлуу шарттарды жакшыртуу максатында маанилүү.

Белгилей кетсек, Бишкек шаарын көрктөндүрүү эрежелерине ылайык, соода-базар комплекстерин тазалоо жоопкерчилиги аталган объектилердин ээлерине жүктөлгөн. Алар соода жүргүзүлгөн жерлердин 50 метр радиусундагы санитардык абалы үчүн жооптуу болуп саналат.