Бүгүн, 2025-жылдын 31-мартында, Бишкек шаарынын мэри Айбек Джунушалиев "Бишкекасфальтсервис" муниципалдык ишканасынын ишин текшерип чыкты.

Калаа  башчысы ишкананын башкы кеңсесин кыдырып, көрктөндүрүү элементтерин (жол белгилери, аялдама комплекстери) жасоочу цехти, атайын техникаларды оңдоочу жана тейлөөчү жайларды жана ишкананын кампасын көрүп чыкты.

Ишкананын аймагын жашылдандыруу жана көрктөндүрүү жаатында талапка ылайык келтирүү, ошондой эле кыска мөөнөттө жаңы административдик имаратты, ширетүүчү цехтерди, кампа жайларын долбоорлоону ишке ашыруу тапшырылды.

Муниципалитеттин башчысы “Бишкек жылуулук электр борборунун” аймагындагы асфальт-бетон заводунун иши менен таанышты. Заводдо борбор калаанын көчөлөрүн калыбына келтирүү үчүн асфальт-бетон аралашмасы өндүрүлөт.

Мындан тышкары, "Бишкекасфальтсервис" МИнин битум чуңкуру каралды, ал жерге поезд вагондорунан катуу битум түшүрүлөт. Өз кезегинде, битум эригенден кийин ишкананын асфальтбетон заводуна жөнөтүлөт.

Көчмө жыйындын соңунда мэр Айбек Джунушалиев "Бишкекасфальтсервис" муниципалдык ишканасынын иштөө  сапатын жакшыртуу милдетин койду.