Санкт-Петербургда Дмитрий Шостаковичке арналган Эл аралык музыкалык конкурсу жыйынтыкталды. Жыйынтыгында Кыргызстандык Урмат Тентимишов  “Дирижёрлор” номинациясында III даражадагы лауреат аталды.

Конкурска дүйнөнүн ар кайсы жеринен таланттуу музыканттар катышты, ал эми катышуучулардын чыгармаларын Россиянын эмгек сиңирген артисттери, дирижёрлор жана Москва, Санкт-Петербург консерваторияларынын мугалимдери баалашты.

Азыркы убакта Урмат Тентимишов Рахатбек Осмоналиев жана Бакыт Тилегеновдон билим алууда. Анын жеңиши кыргыз музыкасы үчүн маанилүү жетишкендик болуп саналат жана биздин аткаруучулардын эл аралык деңгээлде өсүп жатканын көрсөтөт.