2025-жылдын 20-мартында саат 19:00дө  Бишкек шаарындагы Т. Усубалиев атындагы аянтта футбол күйөрмандары үчүн “Өзбекстан – Кыргызстан” көчмө беттешин көрүү үчүн ачык асман алдында “ЛЕГЕНДА” фан-зонасы уюштурулат.

Шаардыктарды жана борбор калаанын меймандарын кыргыз эстрада жылдыздарынын катышуусундагы кызыктуу шоу-программа күтөт. Иш-чарага кирүү акысыз, күйөрмандар зонасы 19:00дө ал эми оюн 22:00дө башталат.

Иш-чараны Бишкек шаарынын мэриясы, Кыргыз футбол союзу жана анын өнөктөштөрү менен биргеликте уюштурууда.
Урматтуу шаардыктар! Үй-бүлөңүздөр менен келип, Кыргызстан курама командасын колдоп, кечти бир пикирлештердин чөйрөсүндө өткөрүңүздөр!