Октябрь районундагы №73 мектепте «Атам, апам жана мен – спорттук үй-бүлө» аттуу салттуу спорттук эстафета болуп өттү. Иш-чарага 7 жаштан 15 жашка чейинки балдар ата-энелери менен бирге катышты.

Иш-чаранын максаты – дени сак жашоо образын жайылтуу, үй-бүлөлүк баалуулуктарды бекемдөө, балдар менен чоңдордун спортко болгон кызыгуусун арттыруу жана ата-энелерди балдары менен биргеликте спортко тартуу.

Белгилей кетсек, бул жыл сайын өтүүчү мелдеш райондук жана шаардык этаптардан турат.

Эстафета программасына катышуучулардын координациясын, күчүн жана чыдамкайлыгын өнүктүрүүгө багытталган бир катар спорттук тапшырмалар кирди: эстафеталык жарыш, секирме жип менен секирүү, “кенгуру” (буттарга топ бекитип секирүү), баскетбол тобу менен көнүгүүлөр жана стритбол. Бардык катышуучулар шамдагайлыгын, ылдамдыгын жана командасынын биримдигин көрсөтүп, бири-бирин колдоп, жакшы маанайда жарышты.

Мелдештин жыйынтыгында жеңүүчүлөр жана байге ээлери грамоталар жана дипломдор менен сыйланышты:
№11– МАБ- 1-орун  
№10-МАБ-2-орун  
№7-МАБ- 3-орун
№9-МАБ-4-орун  
№8-МАБ-5-орун  
№6-МАБ-6-орун  
Кок-Жар МАБ–7-орун.