Бишкек шаарынын Ленин районундагы №96 мектепте 2024-жылдын жыйынтыгына арналган майрамдык иш-чара өттү.

Иш-чарада райондук «Жоокер ыры», «Эр жигит», «Жол кыймылынын жаш инспекторлору», «Жаш куткаруучулар» кароо-сынагынын жеңүүчүлөрү жана «Мектеп лигасынын» райондук этабынын спорттук мелдешинин жеңүүчүлөрү сыйланышты.

Белгилей кетсек, мектеп окуучуларына тиешелүү грамоталар жана белектер тапшырылды.

Мындан тышкары, мектеп директорлорунун орун басарлары, социалдык педагогдор, ЖККБнын кызматкерлери, Ленин районунун ички иштер башкармалыгынын кызматкерлери жана аскер комиссариатынын өкүлдөрүнө активдүү иши жана тыгыз кызматташтыгы үчүн Ленин районунан белектер жана ыраазычылык каттар тапшырылды.