Күз-кыш мезгилин ийгиликтүү өткөрүү максатында, 2024-жылдын 18-декабрында саат 09:00дөн 20:00гө чейин Чыгыш-5 кичирайонунда жылуулук менен камсыздоо жана ысык суу убактылуу өчүрүлөт. Бул иш-чара 2024-жылга карата жылуулук тармагын  жаңыртуу планынын алкагында эски участокту алмаштырып, жаңы орнотулган жылуулук тармагына кошуу иштерин жүргүзүү үчүн уюштурулууда.

Ысык суу жана жылуулук төмөнкү үйлөрдө өчүрүлөт: Чыгыш-5 кичи районунда 6, 7, 10, 11, 12, 18, 19-үйлөр; Чүй проспектиси боюнча №30, 32, 34 үйлөр, ошондой эле Р. Санатбаев атындагы Олимпиадалык резерв мектеби (Чыгыш-5, 20/3) жана №59 бала бакчасы (Восток-5, 18/1).

Эскерте кетсек, оңдоо иштери кыш мезгилинде да токтобойт, иштер планга ылайык жүргүзүлүүдө.

"Бишкек жылуулук тармагы" ишканасы убактылуу ыңгайсыздыктарга түшүнүү менен мамиле кылууңуздарды өтүнөт жана чыдамдуулук көрсөткөнүңүздөр үчүн ыраазычылык билдирет.