Бишкек шаарынын мэриясынын Муниципалдык мүлктү башкаруу департаменти муниципалдык менчикти ижарага алуучуларга карыздарды жана айыптарды тез арада жабууну эскертет.
Болбосо, департамент карызды өндүрүү боюнча чараларды көрүү үчүн сот жана укук коргоо органдарына кайрылууга, ошондой эле Кыргыз Республикасынын колдонуудагы мыйзамдарына ылайык колдонуудагы ижара келишимдерин жокко чыгарууга жана объектилерди демонтаждоого чейинки бардык зарыл чараларды көрүүгө аргасыз.
Турак жай эмес жайлар үчүн. Бишкек шаардык кеңешинин 2022-жылдын 16-декабрындагы № 60 «Бишкек шаарынын муниципалдык менчигинде турган кыймылдуу жана кыймылсыз мүлк объекттерин башкаруу жана аларга чектелген буюм укуктарын берүү тартиби жөнүндө» Жобонун негизинде Бишкек шаарынын мэриясы муниципалдык мүлктү пайдаланууда ижара акысын төлөөдөн качкан ижарачыларды чыгаруу боюнча чараларды көрөт.
Белгилей кетсек, турак эмес жайларды ижарага алуу келишиминин 6-пунктуна ылайык, эгерде ижарачы эки айдан ашык катары менен төлөмдү төлөбөсө, ижара акысын төлөө мөөнөтү аяктагандан кийин келишим, ижара берүүчүнүн өтүнүчү боюнча мөөнөтүнөн мурда бир тараптуу токтотулууга жатат.
5 жана андан ашык жылга берилген жер участоктору боюнча. Ижара келишиминин өзгөчө шарттарында төлөм боюнча карызы толук жабылмайынча, ижарачы электр жарыгынан жана суудан өчүрүлө тургандыгы белгиленген. Мындан тышкары, ижара төлөмдөрүн төлөө боюнча милдеттенмелер бузулган учурда, ар бир кечиктирилген күн үчүн карыздын суммасынын 0,1% өлчөмүндө, бирок негизги карыздын суммасынын 25%дан ашпаган өлчөмүндө айып салынат.
Жеңил типтеги объектилер боюнча. Бишкек шаардык кеңешинин 2020-жылдын 14-январындагы № 142 «Бишкек шаарында ижара шартында жеңилдетилген типтеги объекттер үчүн жер участокторун мөөнөттүү (убактылуу) пайдаланууга берүү тартиби жөнүндө жобону бекитүү тууралуу» жобосуна ылайык демонтажга жатат:
- жайгаштырууга уруксат кагаздары талаптагыдай таризделбестен эксплуатацияланган учурда;
а) жаңы курулган учурда;
б) соттун чечими боюнча;
в) ыйгарым укуктуу органдын чечими боюнча:
- келишимдин шарттарын бузуу;
- 3 айдын ичинде ижара акысын төлөбөсө;
- архитектуралык жана шаар куруу ченемдерин сактабоо;
- жергиликтүү өз алдынча башкаруу органдары тарабынан шаардын жашоосун жана өнүгүшүн жөнгө салуучу чечимдерди кабыл алуу.
Урматтуу ижарачылар! Жогорудагы чараларды колдонууга жол бербөө максатында, департамент бардык болгон карыздарды жабууну, ошондой эле төртүнчү квартал үчүн төлөөнү талап кылат. Көңүл бурбай калган жана төлөбөгөн учурда, карызы барлардын маалыматтарын (аты-жөнүн) көрсөтүү менен тизмелер жалпыга маалымдоо каражаттарында жарыяланат.
Кошумча маалымат үчүн байланыш номерлер:
- жер тилкелери үчүн (5 жыл жана андан көп) 0312 97-91-95 кошумча номер 4213 (Ленин району) кошумча номер 4216 (Свердлов району), кошумча номер 4211 (Октябрь району), кошумча номер 4215 (Биринчи Май району).
- турак эмес жайлар үчүн: 0312 97-91-95 кошумча номер 4217, жеңил объекттер боюнча суроолор боюнча: 0312 97-91-95 кошумча номер 4212, 4214.
