“Бишкекасфальтсервис" муниципалдык ишканасы тарабынан Бишкек шаарынын аймагында гана эмес, ошондой эле жаңы конуштарындагы жолдорду жана тротуарларды капиталдык оңдоону аяктоо боюнча иштер активдүү жүргүзүлүүдө.

Жолчулар "Көлмө" конушундагы Илим көчөсүнүн эки бөлүгүн оңдоп жатышат.

Мидин көчөсүнөн Жапаров көчөсүнө чейинки биринчи бөлүктө капиталдык оңдоо иштери аяктады.

Кулиев көчөсүнөн №78 мектеп-гимназиясына чейинки экинчи бөлүгү асфальттоого даяр. Аба-ырайы ыңгайлуу болгон учурда асфальт төшөө пландалууда.

Белгилей кетсек, быйыл жолчулар "Көлмө" конушундагы Курулуш көчөсүн Мидин көчөсүнөн Биримдик көчөсүнө чейинки жолду капиталдык оңдоп-түзөөдөн өткөрүп, Максат көчөсүн Мидин көчөсүнөн Жапаров көчөсүнө чейин асфальт төшөөгө даярдашты.