М.Акмулла атындагы Башкыр мамлекеттик педагогикалык университети Кыргыз Республикасынын жарандары үчүн орус тили боюнча Акмуллин олимпиадасын өткөрөт.
Ошентип, 2024-жылдын 11-ноябрынан 13-ноябрына чейин олимпиада Бишкек шаарында, Кыргыз Республикасынын Чүй, Нарын, Ысык-Көл жана Талас облустарында өткөрүлөт.
Белгилей кетсек, олимпиада "Менин тарыхым" гуманитардык илимдерди колдоо фондунун жана Россия Федерациясынын агартуу министрлигинин колдоосу менен ишке ашырылууда. Ал Кыргыз Республикасынын жогорку класстарынын окуучуларына арналган жана бардык областтардагы жогорку класстын окуучуларынын катышуусуна бирдей мүмкүнчүлүктөрдү камсыз кылуу үчүн өлкөнүн бардык аймагы боюнча өтөт.
Жолугушуулардын жүрүшүндө окуучуларга келечектеги кесипти тандоого көмөк көрсөтүү максатында кесипке багыт берүү иш-чаралары уюштурулууда.
Олимпиаданын жыйынтыгы 2024-жылдын 20-ноябрына чейин жарыяланат жана сайтка жайгаштырылат.
Өз кезегинде олимпиаданын жеңүүчүлөрү баалуу сыйлыктарга ээ болушат жана ошондой эле 2025-жылдын август айында Уфа шаарында өтө турган чет элдик абитуриенттер үчүн IV Эл аралык жайкы билим берүү мектебине катышышат.
Олимпиада орус билими менен таанышууга, ошондой эле Кыргыз Республикасынын окуучуларынын орус тилин үйрөнүүгө болгон кызыгуусун арттырууга эң сонун мүмкүнчүлүк болот.
