Капиталдык курулуш башкармалыгы Киев көчөсү, 131а дарегинде жайгашкан №9 балдар искусство мектебинин курулушун бүткөрдү.

Ачылыш аземге шаар мэри Айбек Джунушалиев, мектептин атын алып жүргөн Даниал Назарматовдун жубайы Саадат Назарматова, белгилүү скрипкач Даниел Лозакович жана башкалар катышты.

Мектеп жалпы аянты 1117,57  чарчы метр, 0,512 га жер тилкесинде жайгашкан заманбап 4 кабаттуу имарат.

Мектепте ар кандай музыкалык аспаптарда билим ала турган класстар: фортепиано, аккордеон, баян, комуз, скрипка, үйлөмө жана элдик аспаптар, ошондой эле музыка тарыхын үйрөнүүчү бөлмөлөр бар.

Мектептин курулушун «Куб Строй» ЖЧК подряддык уюму жүргүзгөн.

Жаңы мекеме балдардын чыгармачылык жөндөмдүүлүгүн өнүктүрүүнүн маанилүү борборуна айланып, шаардын маданий жашоосуна чоң салым кошот.