Бишкек шаарында жолду капиталдык оңдоо жумуштары Жибек-Жолу проспектисинде жана Горький көчөсүндө уланууда.

Горький көчөсүнүн Ж. Абдрахманов көчөсүнөн Панфилов көчөсүнө чейинки бөлүгү унаа кыймылы үчүн ачылды.

Бүгүн, 21-сентябрда, саат 21:00 тарта Горький көчөсүнүн Жукеев-Пудовкин көчөсүнөн Юнусалиев көчөсүнө чейинки бөлүгү жабылат.

Горький көчөсү менен Жукеев-Пудовкин көчөсүнүн кесилиши ачык болот.

Белгилей кетсек, Горький көчөсү Ч. Айтматов проспектисинен 7-апрель көчөсүнө чейин капиталдык оңдоодон өтүүдө.