"Бишкекасфальтсервис" муниципалдык ишканасы шаарды көрктөндүрүү менен катар унаа сүйүүчүлөр үчүн да, жөө жүргүнчүлөр үчүн да ыңгайлуу шарттарды түзүүнү улантат.
Адистер 2024-жылдын титулдук тизмесине ылайык, жолдорду жана тротуарларды капиталдык оңдоону активдүү жыйынтыктоодо.
Тротуарды капиталдык оңдоо иштери И.Ахунбаев көчөсүндөгү жолдун эки тарабынан Ч. Айтматов проспектисинен Бакаев көчөсүнө чейин жүргүзүлдү.
Бригада бузулган асфальтты тазалап, бордюрларды, ирригация системасын орнотуп, тротуардын негизин даярдап, ысык асфальт төшөдү.
