Бишкек шаарында, 5-сентябрь 2024-жылы саат 20:00дө Ала-Тоо аянтында бардык футбол күйөрмандары үчүн Иран жана Кыргызстандын улуттук курама командаларынын беттешин чогуу көрүү үчүн фан-зонага чакырат.

“Акшумкар” командасы өз сапарын 2026-жылдагы дүйнөлүк чемпионатка тандоонун 3-раундунда баштайт.Бул биздин улуттук курама командабызды биримдик жана ынтымак атмосферасында колдоо үчүн жакшы мүмкүнчүлүк.

Шаардыктарды шоу-программа, оюн аянтчалары, аквагрим, сынактар жана белектер күтөт.

Ошондой эле шоу-программанын алкагында эстрада артисттери Баястан,Nilo жана Айым Айылчиевалар өз өнөрлөрүн тартуулашат.

Белгилей кетсек, иш-чарага кирүү акысыз, беттеш саат 22:00дө башталат.

Урматтуу шаардыктар! Үй-бүлөңүз менен келиңиз, Кыргызстандын курама командасын колдоңуз жана кечени футбол сүйүүчүлөрү менен кошо өткөрүңүз!