«Бишкекжарык» муниципалдык ишканасы шаардын негизги жолдорун жарыктандырууну модернизациялоону улантууда.
Көчө жарыктарын жаңылоо боюнча масштабдуу долбоордун алкагында Лев Толстой эстакадаларына, 7-апрель жана Ибраимов көчөлөрүнө 1400 заманбап светодиоддук чырактар орнотулду.
Бул жаңы жарыктар аймактарды гана жакшыртпастан, түнкүсүн жол коопсуздугун да жакшыртат.
Светодиоддук жарыктар эффективдүү, бир калыпта жарык берүү менен бирге энергияны керектөөнү бир топ кыскартууга, үнөмдөөгө мүмкүндүк берет.
Мындан тышкары, «Бишкекжарык» муниципалдык ишканасы көпүрөлөрдүн айланасындагы бардык тосмолорду сырдады, бул алардын сырткы көрүнүшүн байкаларлык түрдө жаңыртып, объекттерге кошумча көрк берди.
