Жакында борбор калаада "Ала-Тоо"борбордук аянтын реконструкциялоо аяктайт. Флагшток жана фонтандар гана жаңыланбастан, жашыл аянт дагы жаңыланат.

Алсак, "Бишкек жашыл курулуш" муниципалдык ишканасынын адистери авариялык жана куураган  көчөттөрдү алып, бутоо иштерин аякташты, анын ордуна Орозбеков көчөсүнө Пушкин көчөсүнөн Чүй проспектисине чейин жабык  тамыр системасы менен   12 даана жаш көчөттү  отургузушту.

Жаңы аянттын айланасын  ар кандай оймо-чиймелер менен кооздолуп,  тагетеса, сальвия, целозия жана агератум сыяктуу бир жылдык гүлдөр менен жасалды.

Өз кезегинде, борбордук аянт бадал өсүмдүктөрү бар 13 чоң гүл отургузуучу менен кооздолгон.

Эскерте кетсек, буга чейин жашылдандыруучулар проспектини бойлой жашыл зонаны реконструкциялоону баштаган жана аяктоого жакындап, топуракты төмөндөтүү жана газондорду себүү, автоматтык сугаруу системасын орнотуу, Панфилов көчөсүнөн Манас проспектисине чейинки узундугу 550 погондук метр жаңы ирригациялык лотокторду орнотуу, авариялык жана куурап калган өсүмдүктөрдү алуу  сыяктуу иштерди аткарып жатышат.