"Бишкек жашыл курулуш" муниципалдык ишканасынын кызматкерлери Медеров көчөсү менен 7-апрель көчөсүнүн кесилишиндеги жаңы скверди кура башташты.

Ошентип, жашылдандыруучулар дагы бир "Жашыл" долбоордун үстүндө иштеп жатышат жана 2-күнөсканада өстүрүлгөн көк майсандарды  отургузушууда.

Буга чейин скверге жалбырактуу жана ийне жалбырактуу  бак-дарактар:  катальпа, эмен, карагай отургузулган.

Мындан тышкары, жашылдандыруучулар тротуарды жасап, асфальт менен төшөп,  жергиликтүү тургундардын ыңгайлуулугу үчүн отургучтарды орнотушту.

Белгилей кетсек, ишкананын суу чарба кызматкерлери тарабынан автоматтык сугаруу системасы орнотулган. Ошондой эле   атайын техниканын жардамы  менен да сугарылат.