2024-2025-жылдардын күз-кыш мезгилине даярдык көрүү жана келерки жылытуу мезгилинде Бишкек ЖЭБин жогорку калориялуу көмүр менен камсыз кылуу максатында мэрдин орун басары  Талайбек Байгазиев Бишкек ЖЭБинин директору Нургазы Курманбеков менен бирге Миң-Куш көмүр кенине иш сапары менен болду.

Иш сапардын алкагында мэрдин орун басары Миң-Куш кенинен көмүр казып алуунун жүрүшү менен таанышып, кампага салуу, сактоо жана ташуу иштеринин жүрүшү менен таанышты.

Белгилей кетсек, жумушчу сапар Миң-Куш кенин Бишкек шаарынын ЖЭБине кошуунун алкагында болуп өттү, бул ишкананы, ошондой эле Бишкек шаарынын жана башка облустардын калкын сапаттуу жагылуучу көмүр менен үзгүлтүксүз  камсыз кылууну жакшыртууга мүмкүндүк берет.

Белгилей кетүүчү нерсе, көмүрдүн ишинин жакшырышынан улам атмосферага чыккан чыгындылар азаят.