Бул жылы Бишкек шаарынын 146 жылдыгы белгиленет. Шаардыктарды жана борбор калаанын конокторун бай майрамдык программа күтүүдө.
2024-жылдын 29-апрелинде саат 18:00дө Т.Усубалиев атындагы аянтта борбор калаанын мэриясынын маданият башкармалыгынын чыгармачыл топторунун концерти башталат.
Саат 19:00дө «ВАЛЬС КЕЧЕСИ» фестиваль-сынагы өтүп, ал Mezzo Forte оркестринин концерти менен уланат.
Майрамдык иш-чара саат 00:00дө кыргыз эстрада жылдыздарынын өнөрлөрү, жагымдуу чыгармалары коштолгон концерттик программа менен аяктайт.
Борбор калаанын мэриясы шаардыктарды жана шаар конокторун Бишкектин негизделген күнүн чогуу белгилеп, жакшы маанайда эс алууга чакырат.
