Кыргыз Республикасынын турак жай-коммуналдык чарба кызматкерлеринин күнүнүн урматына  “Тазалык” муниципалдык ишканасында Бишкек шаарынын мэри Айбек Джунушалиевдин катышуусунда сыйлык тапшыруу аземи өттү.

Шаар башчысы турак жай-коммуналдык чарба тармагынын кызматкерлерин кесиптик майрамы жана жаз майрамы – Нооруз майрамы менен куттуктады.

Калаа башчысы кызматкерлерге борборубуздун ар кайсы тармактарында  үзүрлүү эмгектенип, борбор шаарыбыздын гүлдөп өсүшүнө кошкон зор салымы үчүн ыраазычылык билдирди.

Ак ниет жана үзүрлүү эмгеги үчүн адистер «Эмгектин ардагери» төш белгиси, « Мыкты кызматы үчүн I, II, III даражадагы» «Тазалык» ишканасынын төш белгиси,  Ардак грамотасы, ыраазычылык баракчалары, «Тазалык» МИнын "Мыкты жаш адиси" наамы менен муниципалдык ишкананын кызматкерлери сыйланышты.

Мындан тышкары ишкананын кызматкерлери арасында футбол боюнча турнир, аркан тартыш жана армрестлинг боюнча мелдештер өткөрүлдү.

Белгилей кетсек, 2023-жылы «Тазалык» муниципалдык ишканасынын кызматкерлерине айлыктары көтөрүлүп, аларга атайын техникалар да берилген.