Бишкектеги “Gym-n-Roll” спорттук оюн-зоок комплексинде киокушинкай-кан каратэ боюнча чемпионат өттү.

Турнирге 260тан ашык спортчу катышты. Чемпионаттын максаты каратэни жайылтуу жана өнүктүрүү, ошондой эле киокушинкай-кан каратэ боюнча Бишкек шаарынын курама командасын түзүү үчүн эң күчтүү жана келечектүү спортчуларды аныктоо болуп саналат.

Мелдештин жыйынтыгы боюнча командалык мелдеште төмөндөгүлөр  жеңип чыгышты:
1-орун – «Шевченко» клубу;
2-орун – «Абзамилов» клубу;
3-орун – «Тенирберген» клубу.

Белгилей кетсек, уюштуруучулар Бишкек шаарынын мэриясынын Дене тарбия жана спорт, туризм жана жаштар иштери боюнча департаменти Кыргыз Республикасынын республикалык киокушинкай-кан каратэ федерациясы менен биргеликте болгон.