Оор атлетика боюнча олимпиадалык резервдеги адистештирилген балдар-өспүрүмдөр мектебинин тарбиялануучулары Доха (Катар) шаарында өткөн Гран-При сериясындагы турнирде медалдарга ээ болушту.
Бекдөөлөт Расулбеков эл аралык турнирде алтын жана күмүш медаль тагынды. 109 килограммга чейинки салмакта жулкуп көтөрүүдө 162 килограммды, түртүп көтөрүүдө 219 килограммды көтөрдү.
Турнирдин коло медалын 67 килограммга чейинки салмак ченинде Ишенбек Муратбек уулу түртүп көтөрүүдө 164 килограммдык жыйынтык көрсөтүп, жеңип алды.
Белгилей кетсек, турнир 2023-жылдын 4-декабрда башталып, 14-декабрында аяктаган.
