Борбор калаадагы аба ырайынын өзгөрүшүнө байланыштуу шаардык кызматтардын иши арбын.

Бүгүнкү күндө "Тазалык" жана "Бишкекжашылчарба" муниципалдык ишканалары карды тазалоо менен алек.

Борбордук көчөлөр, жолдордун өтүүчү бөлүгү, тротуарлар, скверлер жана шаардык сейил бактар эки ишкананын кызматкерлеринин колу менен активдүү тазаланууда.

Бүгүнкү күндө жашылчарбачылар кесиптештерине жардам иретинде 5 атайын техника бирдиги, анын ичинен 2 МАЗ жүк ташуучу автоунаасын, 3 даана тротуарларга жанаша аймактарды тазалоо үчүн кичи тракторду тазалыктын кызматкерлерине өткөрүп беришти.