2023-жылдын 14-декабрында «Бишкек Арена» шаардык муз тебүүчү аянтчасында Кыргыз Республикасында 2023-2024-жылдарга кышкы туристтик сезондун расмий ачылыш аземи болот.

Иш-чарада коньки тебүү, муз акробатикасы, хоккей чеберчилигин көрсөтүү, популярдуу ырчы-бийчилердин катышуусунда концерттик программа менен коштолуп, катышуучулар арасында өнөктөштөрдүн ар кандай байгелүү сынактары уюштурулат.

Иш-чараны Кыргыз Республикасынын Экономика жана коммерция министрлигине караштуу Туризм департаменти Бишкек шаарынын мэриясынын Дене тарбия жана спорт, туризм жана жаштар иштери боюнча башкармалыгы  эл аралык өнөктөштөрдүн колдоосунда, спорт жана оюн-зоок мекемелеринин колдоосунда «Шаардык муз тебүүчү аянтча» комплекси жана башка уюмдар менен биргеликте уюштурууда.