Октябрь районунда балаты базары иштей баштады
Урматтуу шаардыктар! Жаңы жыл алдында Бишкектин Октябрь районунда жаңы жылдык балатыларды саткан базар ачылды.
Балатылар Медеров жана 7-Апрель көчөлөрүнүн кесилишинде жайгашкан.
Базардан Тянь-Шань карагайын, көк карагай, арча жана башка түрлөрүн арзан баада алсаңыздар болот. Базар эртең мененки саат 9:00дөн 19:00гө чейин иштейт.
Бардык ийне жалбырактуу дарактар жабык тамыр системасы менен, башкача айтканда, топурагы менен сатылат. Сатып алуучулар бак-дарактарды ачык жерге көчүрө алышат. Көчөттү кантип туура отургузуу керектигин сатуу боюнча кеңешчилер айтып беришет.