Күрөш боюнча олимпиадалык резервдеги адистештирилген балдар-өспүрүмдөр мектебинин окуучусу Авазбек Аманбеков АКШда өткөн ушу боюнча дүйнө чемпионатында коло медаль тагынды.

Аманбеков 60 килограммга чейинки салмак категориясында "саньда" түрү боюнча күч сынашты. Ал 1/8 финалдык баскычтан баштап, эки жеңишке жетип, жарым финалга чыкты. 1/2 финалдык беттеште жеңилип, финалдык 3-орунду ээлеп, коло медаль тагынды.

Белгилей кетсек, турнир 17-ноябрдан 20-ноябрга чейин Форт-Уэрт шаарында (Техас, АКШ) өттү. Дүйнө чемпиондугуна 70тен ашык өлкөдөн 500дөн ашык спортчу катышты.