«Бишкекжарык» муниципалдык ишканасы Бишкек шаарынын мэриясынын муниципалдык аймактык башкармалыктары менен биргеликте 2024-жылга өндүрүштүк программаны пландаштыруу жана бекитүү маселесин талкуулады.

Ага ылайык, келээрки жылы борбор калаанын көчөлөрүнө жана конуштарына 10 миң светодиоддук лампаларды алмаштыруу жана орнотуу пландалууда.

«Бишкекжарык» муниципалдык ишканасы чырактарды алмаштыруу менен бирге 120 км узундуктагы электр чубалгыларын (электр линияларын) СИП зымдарына (өзүн көтөрүүчү изоляцияланган зым) алмаштыруу иштерин жүргүзүүнү пландоодо.

Мынан тышкары аянттарда жана сейил бактарда жаңы тышкы жарыктандыруу тармактарын куруу, ошондой эле жөө адамдар өтүүчү өтмөктөрдү жарыктандыруу пландаштырылууда.