“Бишкек жашыл чарба” муниципалдык ишканасынын кызматкерлери борбор калааны күзгү көрктөндүрүү иштерин улантууда.

Багбандар Абдрахманов жана Бөкөнбаев көчөлөрүнүн кесилишиндеги эңкейишти туя  жаңы көчөттөрү менен кооздошту.

Айта кетсек , жолдун эки тарабына 90 даана тоголок туя отургузулгандан кийин, багбандар аларды жер семирткичтер менен азыктандырышкан, ошондой эле өсүмдүктөрдүн жакшы сакталышы үчүн аларды сугарышты.

Эми Абдрахманов көчөсүн бойлой бир жылдык гүлдөр жана бадалдар менен гана эмес, дайыма жашыл ийне жалбырактуу дарактар менен кооздолот.

Урматтуу шаар тургундары! «Бишкек жашыл чарба» муниципалдык ишканасы сиздерди борбордун мүлкүнө, ошондой эле анын жашыл аянтына  кам көрүүгө чакырат.