«Олимп» адистештирилген балдар-өспүрүмдөр олимпиадалык резерв мектебинин тарбиялануучусу Адис Орозмаматов дзюдо боюнча кадеттер арасында Европа Кубогунда үчүнчү орунду ээледи.

Кубок өткөн дем алыш күндөрү Берлин шаарында (Германия) өттү. Мелдешке 25 өлкөдөн 386 спортчу катышкан.

Адис Орозмаматов Нидерланды, Венгрия жана Польшадан келген спортчулар менен 7 беттеш өткөрдү. Спортчуну Кузьмин Роман Владимирович машыктырат.

Борбор калаанын мэриясы спортчуну татыктуу сыйлыгы менен куттуктайт жана мындан аркы ийгиликтерди каалайт.