Борбор калаада жыл сайын өтүүчү «МБулак Күз Деми» эл аралык жарым марафону болуп, ага 3700дөн ашуун чуркоону сүйүүчүлөр жана спортчулар катышты.

Иш-чара «Tommi Mall» соода борборунда башталып, анда старт-финиш шаарчасы орнотулган. Жарыштын маршруту А.Токомбаев көчөсү менен батыш тарапка Селекция айылына чейин жана кайра артка кеткен.

Жарыштын катышуучулары 21,1 чакырым, 10 чакырым жана 5 чакырым аралыкты чуркап  өтүштү. Ошондой эле эң кичинекей катышуучулар үчүн атайын чуркоо уюштурулуп, анда 3 жаштан 16 жашка чейинки балдар чуркашты.

Бардык катышуучулар жана күйөрмандар үчүн артисттер менен музыканттардын катышуусунда бай шоу-программа уюштурулуп, иш-чаранын өнөктөштөрү тарабынан түрдүү сынактар өткөрүлдү.

Белгилей кетсек, жарым марафондун уюштуруучусу «Тонус» коомдук фонду болгон.