Мелдешке ар бир райондон экиден команда кыздар жана балдар командалары болуп 8 команда, жалпысынан 136 окуучу катышты.
Спартакиада окуучулар арасында футбоду өнүктүрүү жана Бишкек курама командасын топтоо үчүн күчтүү спортчуларды аныктоо максатында өттү.
Спорттук иш-чара Бишкек шаардык дене тарбия жана спорт комитети тарабынан уюштурулду.
Спартакиаданын жыйынтыгында биринчи оруга Свердлов районунун №10 мектеби, экинчи орунга Биринчи май районунун №69 мектеп-гимназиясы жана үчүнчү орунга Октябрь районунун №3 мектеби ээ болду.
Жеңүүчүлөр шаардык спорт комитеттин кубок, медаль жана баалуу белектери менен сыйланышты.
