Бишкекте жаңы жашыл аймактарды куруу уланууда.

Борбор калаадагы жарандардын жашоо шартын жакшыртыш үчүн пайдаланылбай жаткан аймактарды көрктөндүрүү боюнча масштабдуу иштер жасалууда.

Ошентип, «Бишкекжашылчарба» муниципалдык ишканасы тарабынан көрктөндүрүү жана жаңы аянтчаларды куруу иштери кызуу жүрүп жатат.

Жашылдандыруучулар борбордун Октябрь районундагы Виноградная көчөсүн бойлой жаңы аянтты көрктөндүрүп жатышат.

Бүгүнкү күндө 583 чарчы метр аянтка брусчатка төшөлүп, 470 линиялык жолдун бордюрлары бүттү.

Ошондой эле сугат лотоктору орнотулуп, 15 отургуч, жарыктандыруу үчүн 23 даана түнкү чырактар жана 15 даана таштанды челектерин орнотуу пландалууда.

Мындан тышкары, жакынкы аралыкта сквердин аймагын жашылдандыруу боюнча 2500 кв.м кошумча иштер жүргүзүлөт.

Урматтуу шаардыктар! «Бишкекжашылчарба» ишканасы сиздерден шаардын менчигине, ошондой эле анын мүлкүнө аяр мамиле жасооңуздарды суранат.

Жашылдандыруу жана санитардык бутоо иштери боюнча төмөнкү телефондорго кайрылсаңыздар болот: 37-53-30 , 0504210600.