2023-жылдын 25-августунан 27-августуна чейин Дьер (Венгрия) шаарында  шотокан каратэ-до боюнча 14-дүйнө чемпионаты өттү. Ага дүйнөнүн 50 өлкөсүнөн 1000ден ашык спортчу катышты.

Белгилей кетсек, Кыргызстандын курама командасынын курамында 31 катышуучу болгон. Спортчулар беш алтын, үч күмүш жана беш коло медалга ээ болушту.

Ошондой эле, дүйнөлүк чемпионатка Бишкек шаарынын курама командасынын мүчөлөрү да катышты. Командалык кумитэде Адилхан Моңолдоров менен Самуил Койчубеков казынага алтын кошсо, жеке ката программасында Бейшеналиева Азалия күмүш байгеге ээ болушту.