Бишкек шаарында, өзгөчө борбордук жолдордо автотранспорттук кыймылдын  көбөйүшүн эске алуу менен Транспорт департаменти 30 жыл  мурда орнотулган ашыкча жөө адамдар өтүүчү өтмөктөрдү кыскартуу боюнча чараларды көрүүдө. Бул жерде иш жүзүндө жол кыймылы болгон эмес.

Көчөдөгү жөө жүргүнчүлөрдүн коопсуздугу жана транспорт каражаттарынын өтүү жөндөмдүүлүгү үчүн, Байтик-Баатыр көчөсүнүн түштүк тарабында эстакадага жакын жайгашкан жана жолдун авариялык бөлүгү деп эсептелген жөө адамдар өтүүчү жол жабылды. Айрыкча кышында  муз болуп, түшүү маалында унаалар тайгаланып, жөө жүргүнчүлөрдү өткөрбөй, авариялык абалды жаратат.

Жолду коопсуз кесип өтүү үчүн жөө жүргүнчүлөр 150 метр гана басып, Кулатов көчөсүнүн кесилишиндеги жолдон коопсуз өтүшү керек, ал жерде светофор объектиси бар.

Унаа жана жөө жүргүнчүлөр агымы коопсуздук максатында бөлүнүшү керек, бул  жол кыймылынын интенсивдүүлүгүнө жараша болот.

Транспорт департаменти Бишкектин борбордук жолдорунда, мисалы, Ч.Айтматов проспектиси Джаманбаев көчөсүнүн кесилишиндеги светофор жок жерлерде жөө жүргүнчүлөрдү өткөрбөө иштерин улантат, ал эми Айни жана Шампанвинкомбинаттын маңдайында коопсуз өтүүчү үчүн жол чырактар коюлган.

Урматтуу борбор калаанын тургундары жана коноктору, жол эрежесин сактоону суранабыз!